كلمات لطميه يمه ذكريني

يمه ذكريني من تمر زفة شباب
من العرس محروم ... حنتي دم المصاب
شمعة شبابي من يطفوها
حنتي دمي والچـفن ذاري التراب
يمه ذكريني من تمر زفة شباب



بزغ من برج المخيم ..... جاسم ونوره يتشعشع
ناشر جعوده على متنه .... ومثل طير الجنه يلمع
هلهلت رمله وتگله ..... هاك إخذ گلبي المگطع

شنهي يجاسم نيتك.... ثاير بجمرة همتك
چـنك وفيت برگبتك.... صاح إلي دوفي المرضع

من ثدي النيبه راضع بصافي الحليب
وبهالشهاده صار إلي قسمه ونصيب
حوفتي بدمي خل يفرشوها
حنتي دمي .. والجفن ذاري التراب
يمه ذكريني من تمر زفة شباب


------



هلله هلله شلون فزعه من فزع جاسم لعمه
ضاگت بعينه الوسيعه والوفا يطشه ويلمه
تنومست رمله بولدها حنت ضلع الصبر يمه

صاحت النيه راشده... وگلب أمك الله يساعده
صاح إلي يوصي والده... عالوصيه يبيع دمه

أهلي وصوني بالوفا يوم الطفوف
من دم وريدي يصبح خضاب الچـفوف
هذي وصيتي يالتسمعوها
حنتي دمي.. والچـفن ذاري التراب
يمه ذكريني من تمر زفة شباب

-----



هنا يهالغذيت روحك من ثمر روحي وحليبي
من نصيبك هالشهاده واليسر يبني نصيبي
بالجهد بيض لي وجهي يا ضوه عيوني وحبيبي


ناداها لا يصيبج رعب..... جدميلي لامات الحرب
والنايبات شماتصب..... إدعي والصارم مجيبي

والوفا شانه ينعدم بيه الوجود
وآنه وجداني يغتنم جنة الخلود
نيتي بديوان جدي كتبوها
حنتي دمي والچـفن ذاري التراب
يمه ذكريني من تمر زفة شباب

-----



ضمته بصدر المحنه وانطبع رسمه بصدرها
وتشم ريحانة جماله وتكف دمعتها بصبرها
وذكرت أيام الرضاعه ولوجت الروح وسهرها

وصاحت شوصاك الحسن.. يا منوتي ونعم المضن
هاك إلبس ثياب الچـفن ... يا أمل رمله ويا ذخرها

يوم المبارك أصبح لديني شهيد
وافزع لعمي من يضل بالطف وحيد
ورمله بمصابي خل يواسوها
حنتي دمي والچـفن ذاري التراب
يمه ذكريني من تمر زفة شباب


-----


يمه حاسبني ضميري وشفت مگصود اليريده
والضمير يريد مني أتخضب بدم العقيده
واليريد الغانمات على الطعن يعرض وريده

صاحت النيه راشده ... نيتي ويا نيتك واحده
وجاسم سفر عن ساعده .. وسيف ابوه الحسن بيده

صاح أنا بديني ملتزم فرع وأصول
أفدي وجداني والأجر عند الرسول
وامي الزهره خل يهنوها
حنتي دمي والچـفن ذاري التراب
يمه ذكريني من تمر زفة شباب



-----



لزمت الدلال بيد وإيد بيها إلزمت ريعه
ونادته ودعك عندي الحسن يمدلل وديعه
اليوم چـنك ضيعتني وضعت مني شلون ضيعه

ناداها يمي تيتمت...... وبحجر عمي ترعرعت
رباني وليوم إنشأت.. ولربايه اليوم ابيعه

دهري يتمني والتزم عمي برباي
وما اعز عنه مهجتي وروحي ودماي
وأمي بمصابي خل يفجعوها
حنتي دمي والچـفن ذاري التراب
يمه ذكريني من تمر زفة شباب

بارك الله فيك

أحسنت و بارك الله فيك

يعتبر الشعر والكتابة بشكل عام هي المرسى الذي ترسي إليه السفن الشاردة وسط البحر الذي يهيج بعواطف الشخص المدفونه بداخلة لأعوام طويله ولا تستطيع أن تعبر ما بداخله ولكن يأتي الشعر والحكايا التي تنفس عن ما بداخله ....
الكتابة هي الملاذ الوحيد الذي يجعلني اجد نفسي رغم الضوضاء الذي أعيشة والكاتب أو الشاعر يعبر عن بداخلة لأن بعض الأحيان تجد الصعوبة في أن يتلفظ بها فيجد الشعر والكتابة الوسيلة الوحيده في تعبير عن مشاعرة أو فكرة تخطر بباله .
فهذا المرسى الذي يجمع المشاعر المتناثرة على أرصفة العواطف المدفونة
حلم شاعر